“Janubiy” MFYda “mahalla yettiligi” faoliyati o‘rganildi

Xalq deputatlari Navoiy shahar Kengashi deputati Poleshuk Natalya Valeryevna tomonidan Navoiy shahridagi “Janubiy” mahalla fuqarolar yig‘ini hududida faoliyat yuritayotgan “mahalla yettiligi” faoliyati o‘rganildi.

O‘rganish jarayonida mahalladagi ijtimoiy holat quyidagicha qayd etildi:
kam ta’minlangan fuqarolar – 50 nafar;
“Ayollar daftari”ga kiritilganlar – 68 nafar ayol;
bandligi ta’minlanganlar – 6 nafar.

Shuningdek, “mahalla yettiligi” a’zolari tomonidan hududda aholi murojaatlari bilan ishlash, ijtimoiy reyestrlar asosida manzilli yordam ko‘rsatish, bandlikni ta’minlash hamda ehtiyojmand oilalarni qo‘llab-quvvatlash bo‘yicha amalga oshirilayotgan ishlar tahlil qilindi.

Mazkur o‘rganish O‘zbekiston Respublikasi Prezidentining 2023-yil 21-dekabrdagi PF–209-son Farmoni hamda mahalla institutini yanada takomillashtirish, “mahalla yettiligi” tizimi samaradorligini oshirish, aholini ijtimoiy qo‘llab-quvvatlash va bandlikni ta’minlashga qaratilgan tegishli farmon va qarorlar ijrosi doirasida amalga oshirildi.

O‘rganish yakunlari bo‘yicha aniqlangan ayrim masalalar yuzasidan mas’ul xodimlarga tegishli tavsiyalar berildi hamda “mahalla yettiligi” faoliyati samaradorligini yanada oshirish bo‘yicha zarur chora-tadbirlarni amalga oshirish belgilab olindi.