“Janubiy” MFYda yoshlar yetakchisi faoliyati o‘rganildi

Xalq deputatlari Navoiy shahar Kengashi deputati Poleshuk Natalya Valeryevna tomonidan Navoiy shahridagi “Janubiy” mahalla fuqarolar yig‘inida faoliyat yuritayotgan yoshlar yetakchisining faoliyati o‘rganildi.

O‘rganish jarayonida yoshlar yetakchisi tomonidan hududdagi yoshlar bilan ishlash, ularning bandligini ta’minlash, bo‘sh vaqtini mazmunli tashkil etish, kasb-hunarga yo‘naltirish, ijtimoiy faol yoshlarni qo‘llab-quvvatlash hamda yoshlar o‘rtasida huquqbuzarliklarning oldini olish borasida amalga oshirilayotgan ishlar tahlil qilindi.

Shuningdek, O‘zbekiston Respublikasi Prezidentining 2022-yil 19-yanvardagi PF–92-son Farmoni hamda yoshlar bilan ishlash tizimini yanada takomillashtirish, ularning bandligini ta’minlash va ijtimoiy faolligini oshirishga qaratilgan so‘nggi farmon va qarorlar ijrosi doirasida belgilangan vazifalarning bajarilishi ko‘zdan kechirildi.

O‘rganish yakunlari bo‘yicha aniqlangan ayrim masalalar yuzasidan tegishli tavsiyalar berildi hamda yoshlar yetakchisi faoliyatini yanada samarali tashkil etish bo‘yicha zarur chora-tadbirlar belgilab olindi.