O‘zbekiston Respublikasi Oliy Majlisi Senati Kengashining 2025 yil 14 yanvardagi KQ-35-V-sonli qarori ijrosini ta’minlash maqsadida Kosonsoy tumanining Qorasuv mahallasida amaliy o‘rganishlar o‘tkazildi.

📥 O‘rganishlarda Xalq deputatlari Namangan viloyati Kengashi kotibiyati mudiri T. Gapparov, viloyat Kengashi deputati H. Qudratova, Kosonsoy tumani Kengashi kotibiyati mudiri D. Valieva hamda tuman Kengashi deputati Z. Nuriddinov ishtirok etdi.

📥 Tashrif davomida mahalladagi ijtimoiy-iqtisodiy vaziyat, aholini qiynayotgan dolzarb muammolar, ularning kelib chiqish sabablari va yechimlari yuzasidan keng muhokamalar o‘tkazildi. Shuningdek, fuqarolar bilan ishlash tizimini yanada takomillashtirish hamda mahallada amalga oshirilayotgan islohotlar samaradorligini oshirish masalalariga alohida e’tibor qaratildi.

📥 O‘rganish jarayonida “mahalla yettiligi” faoliyati ham atroflicha tahlil qilinib, aholi bandligini ta’minlash, ijtimoiy himoyaga muhtoj oilalarni qo‘llab-quvvatlash, yoshlar va xotin-qizlar bilan manzilli ishlash, huquqbuzarliklarning oldini olish hamda hududlarni obodonlashtirish yo‘nalishlaridagi ishlar muhokama qilindi.