Yoshlik mahalla fuqarolar yig‘inida “mahalla yettiligi”ning faoliyati, aholi bilan ishlash tizimi hamda mahallada amalga oshirilayotgan islohotlar samaradorligi yuzasidan o‘rganish ishlari olib borildi.

📥 O‘rganishlarda Xalq deputatlari Namangan viloyati Kengashi kotibiyati mudiri T. Gapparov, viloyat Kengashi deputati 

H. Qudratova hamda Kosonsoy tumani Kengashi kotibiyati mudiri D. Valieva ishtirok etdi.

📥 Tashrif davomida mahalladagi ijtimoiy-iqtisodiy ko‘rsatkichlar, aholining turmush darajasi, fuqarolarni qiynayotgan dolzarb masalalar va ularning yechimi yuzasidan mas’ullar bilan atroflicha muloqot o‘tkazildi. Shu bilan birga, aholi murojaatlari bilan ishlash sifatini oshirish va mahallada amalga oshirilayotgan islohotlarning natijadorligini ta’minlash bo‘yicha fikr-mulohazalar bildirildi.

📥 Shuningdek, “mahalla yettiligi” tomonidan bandlikni ta’minlash, ijtimoiy himoyaga muhtoj oilalarni qo‘llab-quvvatlash, yoshlar va xotin-qizlar bilan manzilli ishlash, huquqbuzarliklarning oldini olish hamda mahallada obodonlashtirish ishlarini tashkil etish borasida amalga oshirilayotgan ishlar tahlil qilindi.