Xalq deputatlari Jondor tumani Kengashi kotibiyati bosh mutaxassisi R.Murodov tomonidan “Luqmon” mahallasi hududida maishiy chiqindilarni o‘z vaqtida olib chiqish, sanitariya va obodonlashtirish ishlarining holati joyiga chiqqan holda o‘rganildi.
📌O‘rganish davomida mahallada chiqindilarni yig‘ish va olib chiqish ishlarining tashkil etilishi, chiqindi to‘planishi mumkin bo‘lgan nuqtalarning sanitariya holati hamda aholiga ko‘rsatilayotgan kommunal xizmatlar sifati ko‘zdan kechirildi. Shuningdek, mas’ul tashkilotlar va mahalla faollari bilan hamkorlikda aniqlangan kamchiliklarni bartaraf etish, chiqindilarni belgilangan jadval asosida muntazam olib chiqish va hududlarni doimiy ravishda ozoda saqlash yuzasidan tegishli tavsiyalar berildi.
📌Muloqotlar davomida aholiga atrof-muhit tozaligini saqlash, chiqindilarni belgilangan joylarga tashlash va sanitariya qoidalariga qat’iy rioya etish yuzasidan tushuntirish ishlari ham olib borildi.
📌Xalq deputatlari Jondor tumani Kengashi tomonidan mahallalarda ekologik tozalikni ta’minlash, sanitariya holatini yaxshilash hamda aholi uchun sog‘lom va obod yashash muhitini shakllantirishga qaratilgan o‘rganishlar va jamoatchilik nazorati izchil davom ettiriladi.