Tashrif davomida imtihonlarni tashkil etish sifati, o‘quvchilar uchun yaratilgan shart-sharoitlar, auditoriyalarning tayyorgarligi, shaffoflik va xolislik tamoyillariga rioya etilishi hamda belgilangan tartib-qoidalarning ijrosi bilan yaqindan tanishildi.

Deputat ta’lim muassasalari rahbariyati va mas’ul xodimlar bilan muloqot qilib, imtihonlarni adolatli va ochiq tashkil etish, o‘quvchilar uchun qulay muhit yaratish hamda ota-onalar ishonchini mustahkamlash muhim ahamiyat kasb etishini ta’kidladi.

Shuningdek, o‘quvchilarning bilimini xolis baholash, imtihon jarayonlarining belgilangan me’yoriy hujjatlar asosida o‘tkazilishi hamda xavfsizlik va tartib-intizomni ta’minlash masalalariga alohida e’tibor qaratildi.

Xalq deputatlari Samarqand shahar Kengashi tomonidan ta’lim muassasalarida o‘quv jarayonlari va imtihonlarning shaffof hamda sifatli tashkil etilishi ustidan jamoatchilik va deputatlik nazorati izchil davom ettirilmoqda.