Uchrashuv davomida deputat tomonidan 2026-yilning 2-choragi davomida amalga oshirilgan deputatlik faoliyati yuzasidan axborot berildi.

Axborotda saylov okrugi hududida olib borilgan o‘rganishlar, fuqarolar murojaatlari bilan ishlash, mavjud muammolarni tegishli tashkilotlar bilan hamkorlikda hal etish, deputatlik faoliyatining asosiy 24 ta savolnomasi doirasida amalga oshirilgan ishlar haqida ma’lumot berildi.

Shuningdek, uchrashuvda “Obod mahalla, obod ko‘cha, obod xonadon” tamoyili asosida hududdagi mavjud muammolar, ularni hal etish yo‘llari, mahalla infratuzilmasini yaxshilash, oilaviy nizolar va ajrimlarning oldini olish, yoshlarni yot g‘oyalar ta’siridan asrash masalalari yuzasidan fikr almashildi.

Mazkur jarayon “Xalq deputatlari viloyat, tuman va shahar Kengashi deputatining maqomi to‘g‘risida”gi Qonun, “Jismoniy va yuridik shaxslarning murojaatlari to‘g‘risida”gi Qonun, “Fuqarolarning o‘zini o‘zi boshqarish organlari to‘g‘risida”gi Qonun, “Huquqbuzarliklar profilaktikasi to‘g‘risida”gi Qonun hamda O‘zbekiston Respublikasining Oila kodeksida belgilangan vazifalar ijrosiga muvofiq tashkil etildi.

Uchrashuv yakunida saylovchilar tomonidan bildirilgan taklif va murojaatlarni qonuniy tartibda o‘rganish, mavjud masalalarni tegishli tashkilotlar bilan hamkorlikda hal etish hamda ijrosi ustidan deputatlik nazoratini olib borish yuzasidan vazifalar belgilab olindi.

✅ Yunusobod tumanida deputatlarning saylovchilar bilan ochiq muloqotini kuchaytirish, aholi murojaatlarini joyida o‘rganish va mavjud muammolarni manzilli hal etish bo‘yicha ishlar davom ettirilmoqda.

Bizni kuzatishda davom eting!