Qonun ijrosi o‘rganildi

Xalq deputatlari Qiziriq tumani Kengashi raisi J.Xudoyqulova, tuman Kengashi deputatlari J.Donayev hamda Q.Igamberdiyevalar "Toza hudud" davlat unitar korxonasining Qiziriq tumani filialiga tashrif buyurib, “Chiqindilar to‘g‘risida”gi O‘zbekiston Respublikasi Qonuni (2002-yil 5-aprel, O‘RQ–362-II-son) ijrosini o‘rganish yuzasidan tayyorlangan savolnoma asosida o‘rganish olib bordilar.

O‘rganish davomida tumanda maishiy chiqindilarni yig‘ish, tashish va belgilangan joylarga joylashtirish, chiqindilarni boshqarish tizimini takomillashtirish, sanitariya holatini yaxshilash hamda qonun talablarining amaliy ijrosi yuzasidan amalga oshirilayotgan ishlar bilan tanishildi.

Shuningdek, mas’ullar tomonidan sohada olib borilayotgan ishlar yuzasidan axborot tinglanib, chiqindilarni boshqarish tizimi samaradorligini yanada oshirish, aholiga ko‘rsatilayotgan xizmatlar sifatini yaxshilash hamda qonun ijrosini ta’minlash yuzasidan tegishli tavsiya va takliflar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram