Xalq deputatlari Farg‘ona viloyat Kengashi kotibiyati mudiri Sh.Karimov hamda hududiy saylov komissiyasi raisi o‘rinbosari A.Mirzayev tomonidan Xalq deputatlari Qo‘qon shahar Kengashi kotibiyati faoliyati yuzasidan amaliy o‘rganish ishlari olib borildi.

O‘rganish davomida kotibiyatning joriy faoliyati, deputatlik faoliyatini tashkillashtirish, fuqarolar murojaatlari bilan ishlash, sessiyalar va doimiy komissiyalar yig‘ilishlarini tashkil etish hamda hujjatlar ijrosi holati atroflicha tahlil qilindi.

Shuningdek, kotibiyatda ish yuritish tizimini yanada takomillashtirish, hujjatlarni qonunchilik talablariga muvofiq rasmiylashtirish, ijro intizomini mustahkamlash hamda nazorat mexanizmlarini samarali yo‘lga qo‘yish masalalari yuzasidan amaliy-uslubiy tavsiyalar berildi.

Bundan tashqari, Xalq deputatlari Qo‘qon shahar Kengashi faoliyatini ommaviy axborot vositalari va ijtimoiy tarmoqlarda keng yoritish, axborot materiallarining mazmuni va sifatini oshirish, aholini Kengash faoliyati haqida tezkor va ishonchli xabardor qilish bo‘yicha tegishli tavsiyalar bildirildi.

Yakunda kotibiyat xodimlariga ish samaradorligini yanada oshirish, faoliyatni zamonaviy yondashuvlar asosida tashkil etish hamda mavjud kamchiliklarni bartaraf etish yuzasidan amaliy-uslubiy ko‘mak va tavsiyalar berildi.

Xalq deputatlari Qo‘qon shahar Kengashi