Oldin xabar berilganidek Xalq deputatlari Taxiatosh tumani Kengashi kotibiyati mudiri, Oʻzbekiston Ekologik partiyasidan saylangan deputat Matniyazov Akbar Qadirovichga o‘zi saylangan “Yangi makon” OFY 3-Mehrem saylov okrugi fuqarolari tomonidan ichki yo‘llarning notekis holati hamda og‘ir yuk transportlari harakati oqibatida yuzaga kelayotgan chang-to‘zon bo‘yicha murojaat kelib tushgan edi.

Bugun deputat Taxiatosh tumani Obodonlashtirish boshqarmasi mas’ullari bilan birgalikda hududda bo‘lib, yo‘llarni tekislash ishlarining borishini joyida ko‘zdan kechirdi.

O‘rganish davomida ishlarning sifatli va belgilangan muddatlarda yakunlanishi yuzasidan mas’ullarga tegishli tavsiyalar berildi hamda jarayon deputatlik nazoratida davom ettirilishi qayd etildi.

⚡️ Fuqarolar murojaatlariga asoslangan amaliy ishlar hududdagi yashash sharoitini yaxshilash va mavjud muammolarni bosqichma-bosqich bartaraf etishga xizmat qilmoqda.