Doimiy komissiyaning tashabbusi bilan tuman statistika bo‘limi faoliyati o‘rganildi

🔹 Tuman Kengashlarning doimiy komissiyalari qonunchilikning 19¹-moddasi talablariga muvofiq o‘z tashabbusi bilan hududdagi dolzarb masalalarni o‘rganib, ularning yechimi bo‘yicha amaliy ishlarni olib bormoqda.

🔹 Mazkur vakolatlar doirasida xalq deputatlari tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi raisi Z.Xudoyberdiyeva, komissiya a’zolari hamda tuman Kengashi kotibiyat bosh mutaxassisi O.Norbo‘tayevlar tomonidan tuman statistika bo‘limi faoliyati yuzasidan eshituv tashkil etildi.

🔹 Eshituvda tumanning ijtimoiy-iqtisodiy rivojlanish ko‘rsatkichlari bo‘yicha statistik ma’lumotlarni shakllantirish, davlat statistika hisobotlarining to‘liqligi va haqqoniyligini ta’minlash, raqamli ma’lumotlar bazasini yuritish, statistik kuzatuvlarni o‘z vaqtida amalga oshirish hamda murojaatlar bilan ishlash holati atroflicha muhokama qilindi.