📌 Xalq deputatlari viloyat Kengashi kotibiyati mudiri Ruiddin Raupov hamda Xalq deputatlari tuman Kengashi kotibiyati mudiri M.Turopovalar tomonidan Qamashi tumani 17-Yo‘rtepa saylov okrugi deputati Feruza Eshankulovaning hududidagi aholi murojaatlari o‘rganildi.

O‘rganish jarayonida fuqarolar tomonidan yo‘l va ichimlik suvi ta’minoti, elektr energiyasi, bandlik, ijtimoiy yordam hamda boshqa dolzarb masalalar yuzasidan bildirilgan murojaatlar tinglandi.

Shuningdek, murojaatlarda ko‘tarilgan muammolarni hal etish, ularning ijrosini ta’minlash hamda mas’ul tashkilotlar bilan hamkorlikda amaliy choralar ko‘rish yuzasidan tegishli tavsiyalar berildi.

Ta’kidlanganidek, aholi murojaatlari bilan ishlash, fuqarolarni qiynayotgan muammolarni o‘z vaqtida aniqlash va ularni ijobiy hal etish xalq deputatlari Kengashlari hamda deputatlar faoliyatining ustuvor yo‘nalishlaridan biri hisoblanadi.

O‘rganish yakunlari bo‘yicha aniqlangan masalalar nazoratga olinib, ularni bosqichma-bosqich bartaraf etish yuzasidan tegishli mutasaddi tashkilotlarga vazifalar belgilandi.