O‘zbekiston Respublikasi Oliy Majlisi Senati Kengashining 2024-yil 4-apreldagi “Mahallalardagi muammolarni hal etishda xalq deputatlari mahalliy Kengashlari deputatlari va senatorlarning “Mahalla yettiligi” bilan o‘zaro hamkorligini yo‘lga qo‘yish chora-tadbirlari to‘g‘risida”gi KQ-706-IV-son qarori ijrosini ta’minlash maqsadida Xalq deputatlari Parkent tumani Kengashiga 19-“Chashma” saylov okrugidan saylangan deputat Xojiboyev Jalol Xotamboyevich tomonidan o‘zi saylangan hududdagi “Xurriyat” mahallasida deputatlik nazorati tadbiri o‘tkazildi.Nazorat tadbiri davomida mahalladagi yoshlar yetakchisi faoliyati, yoshlar bandligini ta’minlash, ularning bo‘sh vaqtini mazmunli tashkil etish hamda yoshlar siyosati yo‘nalishida amalga oshirilayotgan ishlar atroflicha o‘rganildi.O‘rganish jarayonida yoshlar yetakchisi tomonidan joriy yil davomida 13 nafar yoshning bandligi ta’minlangani, 2 nafar yoshga imtiyozli kredit ajratilgani, shuningdek, ijtimoiy reyestrda turuvchi oilalar farzandlaridan 8 nafariga oliy ta’lim muassasalariga kirish uchun imtiyozli tavsiyanomalar berilgani ma’lum qilindi.Shuningdek, yoshlar o‘rtasida huquqbuzarlik va jinoyatchilikning oldini olish, ularni kasb-hunarga yo‘naltirish,tadbirkorlikka jalb etish hamda bo‘sh vaqtini mazmunli tashkil etish borasida olib borilayotgan ishlar muhokama qilindi.Deputat tomonidan yoshlar bilan ishlash samaradorligini yanada oshirish, bandlik ko‘rsatkichlarini ko‘paytirish, davlat dasturlari imkoniyatlaridan keng foydalanish hamda aniqlangan ayrim kamchiliklarni bartaraf etish yuzasidan tegishli tavsiya va takliflar bildirildi.Tadbir yakunida yoshlar muammolarini tizimli hal etish, ularning ijtimoiy-iqtisodiy manfaatlarini ta’minlash hamda bu boradagi ishlar samaradorligini yanada oshirish yuzasidan kelgusidagi ustuvor vazifalar belgilab olindi.