Istiqlol mahallasi raisi faoliyati o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov, Xalq deputatlari Navoiy shahar Kengashi deputati Amir Abralovich Azimov hamda kotibiyat bosh mutaxassisi Diyorbek Toyirov tomonidan Navoiy shahridagi Istiqlol mahallasi fuqarolar yig‘ini raisi faoliyati joyiga chiqqan holda o‘rganildi.

O‘rganish jarayonida mahalla fuqarolar yig‘inida aholi murojaatlari bilan ishlash tizimi, ijtimoiy himoyaga muhtoj fuqarolarni qo‘llab-quvvatlash, hududda olib borilayotgan obodonlashtirish va sanitariya ishlari, shuningdek, mahalla infratuzilmasini rivojlantirish bo‘yicha amalga oshirilayotgan ishlar bilan yaqindan tanishildi.

Shuningdek, mahalla raisi va mas’ul xodimlar bilan muloqot o‘tkazilib, fuqarolar murojaatlarini o‘z vaqtida va sifatli ko‘rib chiqish, aholi bilan ishlash samaradorligini oshirish hamda hududni yanada obod va fayzli maskanga aylantirish borasidagi ustuvor vazifalar muhokama qilindi.

O‘rganish yakunida mahalla faoliyati samaradorligini yanada oshirish, aholi manfaatlariga daxldor masalalarni tizimli hal etish hamda mahallada amalga oshirilayotgan ishlar samaradorligini yanada kuchaytirish yuzasidan tegishli tavsiyalar bildirildi.

Mazkur o‘rganishlar mahallalarda samarali boshqaruvni ta’minlash, fuqarolar bilan ishlash tizimini takomillashtirish hamda hududlarni kompleks rivojlantirishga xizmat qiladi.