Uchrashuv Shayxontohur tumanidagi “Labzak” mahalla fuqarolar yigʻini hududida tashkil etildi. Uchrashuvda tuman masʼullari, mahalla fuqarolar yigʻini raisi, faollari va saylovchilar ishtirok etishdi.
Uchrashuvda deputat Sh.Maxmudov 2026-yilning birinchi choragi yakuni boʻyicha saylov okrugida amalga oshirilgan ishlar, aholi murojaatlari va kelgusi rejalar yuzasidan saylovchilarga axborot taqdim etdi.
Xususan, deputat tomonidan aholini qiynayotgan dolzarb masalalarni hal etish, hududdagi ijtimoiy infratuzilmani yaxshilash, kommunal xizmatlar sifatini oshirish hamda yoshlar va xotin-qizlarni qoʻllab-quvvatlash borasida amalga oshirilgan ishlar haqida batafsil maʼlumot berildi.
Shuningdek, uchrashuvda saylovchilar tomonidan mahallada obodonlashtirish va infratuzilmani yaxshilash, ijtimoiy himoyaga muhtoj oilalarni qoʻllab-quvvatlash boʻyicha koʻtarilgan muammo va takliflar tinglanib, ularni bosqichma-bosqich hal etish boʻyicha mutasaddi tashkilotlar bilan hamkorlikda ish olib borilishi taʼkidlandi.
Uchrashuv yakunida deputat Sh.Maxmudov aholi manfaatlarini himoya qilish oʻz faoliyatining ustuvor yoʻnalishlaridan biri ekanligini qayd etdi.