Xalq deputatlari tuman Kengashi deputatlari N.Karimov, D.Islomova va N.Tuykulovalar ishtirokida O'zbekiston Respublikasining “Xotin-qizlar va erkaklar uchun teng huquq hamda imkoniyatlar kafolatlari toʻgʻrisida”gi Qonun ijrosini taʼminlash masalalariga bagʻishlangan uchrashuv boʻlib oʻtdi. Uchrashuv davomida gender tengligini taʼminlash, mehnat munosabatlarida kamsitishning oldini olish, xotin-qizlarning jamiyat va davlat boshqaruvidagi ishtirokini kengaytirish kabi muhim masalalar muhokama qilindi.
Tadbir davomida ishtirokchilarga mamlakatimizda gender tenglikni taʼminlash borasida amalga oshirilayotgan islohotlar, xotin-qizlarni qoʻllab-quvvatlashga qaratilgan qonunchilik asoslari hamda yaratilgan imkoniyatlar haqida atroflicha maʼlumot berildi.
Shuningdek, uchrashuvda deputatlar tomonidan oila va jamiyatda oʻzaro hurmat, teng munosabat va huquqiy madaniyatni yuksaltirish muhim ahamiyat kasb etishi taʼkidlandi.
Tadbirda ishtirokchilar tomonidan qonun normalarini amaliyotga samarali tatbiq etish, aholi oʻrtasida huquqiy ong va madaniyatni yuksaltirish boʻyicha fikr va takliflar bildirildi.
Uchrashuv yakunida teng huquq va imkoniyatlarni taʼminlash nafaqat qonun talabi, balki adolatli va barqaror jamiyat qurishning muhim sharti ekani taʼkidlandi.