Chorchinor mahallasida “mahalla yettiligi” a’zolari faoliyati o‘rganildi

✅ Bugun xalq deputatlari tuman Kengashi raisi B.K.Xaitov, kotibiyat xodimlari, tuman Kengashi deputatlari Chorchinor mahallasidan saylangan deputat K.Haydarovlar birgalikda Chorchinor mahallasida “mahalla yettiligi” tarkibidagi mahalla raisi, ijtimoiy xodim hamda hokim yordamchisining faoliyati o‘rganildi.

✅ O‘rganish davomida mazkur mutasaddilarning aholi murojaatlari bilan ishlash, yoshlar bandligini ta’minlash, ijtimoiy himoyaga muhtoj oilalarni qo‘llab-quvvatlash, tadbirkorlikni rivojlantirish va fuqarolarning muammolarini hal etish borasida amalga oshirayotgan ishlari tahlil qilindi.

✅ Shuningdek, yuritilayotgan hujjatlar, amalga oshirilgan ishlar hamda belgilangan vazifalarning ijrosi ko‘zdan kechirilib, faoliyat samaradorligini yanada oshirish yuzasidan tegishli tavsiya va takliflar berildi.

✅ Fuqarolarning muammolarini o‘z vaqtida aniqlash va bartaraf etish, aholi farovonligini oshirish hamda davlat dasturlari ijrosini ta’minlashda “mahalla yettiligi” a’zolarining faoliyati muhim ahamiyat kasb etadi. Shu bois bu yo‘nalishdagi o‘rganishlar muntazam davom ettiriladi.