#deputatlar_nazorati #poytaxtdeputatlari #deputatlik_faoliyati

❗️Yoshlarga oid dolzarb masalalar yuzasidan ochiq muloqot o‘tkazildi

🏛 Xalq deputatlari Toshkent shahar Kengashi deputati Jamila Shermuhammedova tomonidan Toshkent davlat farmatsevtika universitetida talaba-yoshlar bilan yoshlarga oid dolzarb masalalar yuzasidan ochiq muloqot tashkil etildi.

💬 Uchrashuv davomida yoshlarning ilm-fanga bo‘lgan qiziqishini oshirish, bandligini ta’minlash, ma’naviy-axloqiy tarbiyasini mustahkamlash, huquqiy madaniyatini yuksaltirish hamda jamiyat hayotidagi faolligini kuchaytirish masalalari muhokama qilindi. Shuningdek, mamlakatimizda yoshlarni har tomonlama qo‘llab-quvvatlash, ularning salohiyatini ro‘yobga chiqarish va zamonaviy bilim hamda kasb-hunar egallashi uchun yaratilayotgan imkoniyatlar haqida batafsil so‘z yuritildi.

📚 Ochiq muloqot davomida talaba-yoshlar o‘zlarini qiziqtirgan savollar bilan faol ishtirok etib, ularga atroflicha javoblar berildi. Interfaol ruhda tashkil etilgan uchrashuv yoshlarning Vatanga sadoqat, milliy qadriyatlarga hurmat va fuqarolik mas’uliyatini yanada mustahkamlashga xizmat qildi.

🔎 Tadbirda mahalliy Kengash deputatlari faoliyatining ustuvor yo‘nalishlari doirasida yoshlar bandligi, ularning ijtimoiy faolligini oshirish, huquqbuzarliklarning oldini olish hamda yoshlarni ma’naviy barkamol shaxs sifatida voyaga yetkazish masalalariga alohida e’tibor qaratildi.

🤝 Uchrashuv yakunida bunday ochiq muloqotlar yoshlarning bilim va dunyoqarashini kengaytirish, ularni jamiyat hayotida faol ishtirok etishga undash hamda kelgusida hamkorlikni yanada mustahkamlashda muhim ahamiyat kasb etishi ta’kidlandi.

📱 Telegram 📱 Instagram 📱 Facebook 📱 YouTube 🔎 E-kengash