AHOLI BANDLIGI VA KAMBAG‘ALLIKNI QISQARTIRISH MASALALARI MUHOKAMA QILINDI

Xalq deputatlari Quva tuman Kengashi deputati, tuman hokimi X.Umarov
o‘zi saylangan 8-Kattaqishloq saylov okrugi hududida Kattaqishloq,
Pandigon, Jalayer, Bolalik, Qashqar va Katta Dehqonobod mahalla fuqarolar
yig‘inlarida bo‘lib, mahallalarning "mahalla yettiligi"
a’zolari bilan uchrashuv o‘tkazdi.

Uchrashuv davomida aholi bandligini ta’minlash, yangi ish o‘rinlarini yaratish,
oilalarning daromad manbalarini kengaytirish, kambag‘allikni qisqartirish
bo‘yicha amalga oshirilayotgan ishlar tahlil qilinib, mavjud muammo va
kamchiliklar muhokama etildi.

Shuningdek, har bir mahalla kesimida ehtiyojmand oilalar bilan manzilli
ishlash, tomorqadan samarali foydalanish, tadbirkorlikni qo‘llab-quvvatlash,
kasb-hunarga o‘qitish va aholini doimiy daromad manbaiga ega qilish yuzasidan
ustuvor vazifalar belgilab olindi.

Muloqot yakunida mutasaddilarga belgilangan vazifalarning ijrosini tizimli
tashkil etish, har bir xonadon kesimida natijadorlikka erishish hamda aholini
qiynayotgan muammolarni o‘z vaqtida hal etish bo‘yicha tegishli topshiriqlar
berildi.