🔹 Deputat o‘rganuvi natijalari. 

✅ Mahalla yoshlar yetakchisi 6 nafar ishsiz yosh fuqaroning bandligini ta’minlagan. 

✅ Hokim yordamchisi tomonidan aholini kambag‘allikdan chiqarish ishlari: 3 nafar fuqaroga to‘rt yuz o‘ttiz million hamda 27 nafariga yuz milliondan kredit olinishida amaliy ko‘mak berilgan. 

✅ Ijtimoiy ehtiyojmand toifadagi oilalarga ijtimoiy nafaqalar va moddiy yordamlar o‘z vaqtida to‘lab kelinayotgani aniqlandi. 

✅ Xotin-qizlar faoli tomonidan 188 nafar ayol bilan “Ayollar daftari” bosqichlarida ishlar talablar darajasida tashkil etilmoqda. 

✅ Mahalla yo‘llari, ularning tunda yoritilishi, avtomobil yo‘llaridagi yo‘l belgilari, piyodalar yo‘laklari holatlari talablarga javob beradi. 

📌 Mahallada aholi va o‘smir-yoshlar o‘rtasida sportning Vorkaut - “ko‘cha gimnastikasi” turini rivojlantirish uchun hududda maxsus maydonga joy mavjudligi aniqlandi. Vorkaut sport turi jihozlarini o‘rnatish uchun mablag‘ masalasida mazkur sport turi ishqibozlari bo‘lgan mahalla o‘smir-yoshlari deputatga murojaat bilan chiqdilar. Mazkur masala tegishli mutasaddi mansabdor shaxsga deputat so‘rovi yuborilib, ijobiy hal etiladigan bo‘ldi. 

📣 “Madad” NNT haqida: mamlakatimizda fuqarolarning huquqiy savodxonlik darajasini oshirish va aholiga bepul yuridik yordam ko‘rsatish tizimini yanada takomillashtirish maqsadida “Madad” – muassasa shaklidagi nodavlat notijorat tashkiloti tashkil etilgan. “Madad” NNT mas’ul xodimlari murojaat qiluvchilarga huquqiy masalalar bo'yicha maslahat va tushuntirishlar berish, shuningdek tegishli huquqiy hujjatlar namunalarini taqdim etish yoki bunday hujjatlar loyihalarini tayyorlashda ko‘maklashish orqali bepul yuridik yordamlar ko‘rsatadi.   

Xalq deputatlari Uchko‘prik tumani Kengashi