Xalq deputatlari Bag‘dod tumani Kengashining 11-Chekmirzaobod saylov okrugi deputati A.Sirojiddinov hududiga qarashli Chekmirzaobod mahalla fuqarolar yig‘inida Kengash kotibiyati bosh mutaxassisi U.Raximjonov, O‘zLiDeP tuman Kengashi apparat rahbari R.Yegitaliyevlar tomonidan “mahalla yettiligi” faoliyati o‘rganildi.

📊 O‘rganish davomida ijtimoiy xodim tomonidan hududda ijtimoiy himoyaga muhtoj fuqarolarni qo‘llab-quvvatlash, ularning muammolarini aniqlash va bartaraf etish borasida amalga oshirilayotgan ishlar tahlil qilindi.
Shuningdek, ijtimoiy reyestrga 130 nafar fuqaro kiritilgan bo‘lib, ulardan 9 nafar fuqaroga kiyim-kechak xaridlari uchun jami 18 mln 540 ming so‘m, 14 nafar fuqaroga oziq-ovqat mahsulotlari uchun 5 mln 768 ming so‘m hamda 2 nafar fuqaroga uy-joylarini ta’mirlash uchun 41 mln 200 ming so‘m miqdorida amaliy yordam ko‘rsatilganligi ma’lum qilindi.

📝 O‘rganish davomida amalga oshirilayotgan ishlarning samaradorligi, belgilangan vazifalar ijrosi hamda mavjud muammolar yuzasidan mas’ul xodimlarning axborotlari tinglanib, faoliyatni yanada takomillashtirish bo‘yicha tegishli tavsiya va ko‘rsatmalar berildi.