Xalq deputatlari tuman Kengashi deputati Mehribon Tillaeva "Adolat" mahallasida bo‘lib, "Inson" ijtimoiy xizmatlar markazining mahalladagi xodimi Nigora Ro‘zimovaning faoliyati bilan yaqindan tanishdi.
O‘rganish jarayonida ijtimoiy xodim tomonidan ehtiyojmand oilalar hamda nogironligi bo‘lgan fuqarolarni har tomonlama qo‘llab-quvvatlash, ularning ijtimoiy himoyasini kuchaytirish borasida amalga oshirilayotgan ishlar yuzasidan batafsil ma'lumot berildi. Shuningdek, kambag‘allikni qisqartirish va aholi farovonligini oshirish maqsadida hokim yordamchisi bilan hamkorlikda olib borilayotgan tizimli ishlar haqida axborot taqdim etildi.
Ta'kidlanganidek, bugungi kunda mahallada kambag‘allikni qisqartirish, aholi bandligini ta'minlash, fuqarolarning daromad manbalarini kengaytirish hamda ularning hayot sifatini yaxshilashga qaratilgan samarali va tizimli ishlar izchil davom ettirilmoqda.