Xalq deputatlari Nurobod tumani Kengashi deputati B.Sanayev tomonidan Jarquduq mahallasida yashovchi nuroniylar bilan uchrashuv tashkil etildi.

Uchrashuv davomida nuroniylar bilan ochiq muloqot o‘tkazilib, ularning fikr va takliflari tinglandi.

Shuningdek, O‘zbekiston Respublikasining 2016-yil 26-dekabrda qabul qilingan “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘RQ-415-sonli Qonunining mazmun-mohiyati keng tushuntirib berildi.

Deputat tomonidan mazkur qonun doirasida aholining ijtimoiy himoyaga muhtoj qatlamlariga ko‘rsatilayotgan xizmatlar, ularning huquq va imkoniyatlari haqida atroflicha ma’lumot berildi.

Uchrashuv yakunida fuqarolarni qiynayotgan masalalar yuzasidan murojaatlar qabul qilinib, ularni hal etish bo‘yicha tegishli chora-tadbirlar belgilab olindi.