Xalq deputatlari Shahrisabz tumani Kengashining navbatdagi qarori bilan hududda ijtimoiy himoyaga muhtoj qatlamni qo‘llab-quvvatlashning yangi bosqichi boshlandi.

✅ Kimlarga yordam beriladi?

“Ijtimoiy reyestr”ga kiritilgan, davlat ta’minotidagi I guruh nogironligi bo‘lgan hamda oilasida mehnatga layoqatli a’zosi bo‘lmagan 22 ta ehtiyojmand oila.

💰 Moliyalashtirish:

Ushbu oilalarning xonadonlarini energiya tejamkor usulda ta’mirlash uchun “Ijtimoiy barqarorlik” jamg‘armasidan jami

1 297 800 000 so‘m mablag‘ ajratildi.

📍 Yordam miqdori:

🔹 Ko‘p kvartirali uylar uchun — BHMning 75 baravari (30,9 mln so‘m);

🔹 Yakka tartibdagi uy-joylar uchun — BHMning 150 baravari (61,8 mln so‘m).

Ushbu loyiha nafaqat xonadonlarni obod qilish, balki qish mavsumida issiqlikni saqlash va energiya resurslarini tejash orqali oilaviy budjetga ham ko‘mak bo‘ladi.