Xalq deputatlari tuman Kengashida deputatlik o‘rni vakant bo‘lib turganiga qaramasdan, hududda saylovchilar muammolarini o‘rganish, aholi bandligini ta’minlash hamda ijtimoiy qo‘llab-quvvatlash ishlarini izchil davom ettirishga alohida e’tibor qaratilmoqda.

Shu maqsadda Xalq deputatlari tuman Kengashi kotibiyati mudiri G. Shermatova Degaron mahallasiga tashrif buyurdi. Tashrif davomida mahalladagi hokim yordamchisi bilan uchrashuv o‘tkazilib, hududdagi ijtimoiy-iqtisodiy holat atroflicha muhokama qilindi.

Xususan, mahalladagi ishsiz fuqarolar soni, ularni ish bilan ta’minlash borasida amalga oshirilayotgan chora-tadbirlar, ijtimoiy reestrga kiritilgan aholi qatlamiga ko‘rsatilayotgan yordamlar hamda bandligi ta’minlangan fuqarolar to‘g‘risidagi ma’lumotlar o‘rganildi.Uchrashuv yakunida mazkur yo‘nalishlardagi ishlar samaradorligini yanada oshirish, aholi muammolarini manzilli hal etish va doimiy deputatlik nazoratini yo‘lga qo‘yish yuzasidan tegishli vazifalar belgilab olindi.