O‘zbekiston Respublikasi Prezidentining 22.01.2024 yildagi PQ-38-sonli “Sog‘liqni saqlash sohasida islohotlarni chuqurlashtirish bo‘yicha qo‘shimcha chora-tadbirlar to‘g‘risida”gi qarori, hamda Xalq deputatlarishahar Kengash deputatlari faoliyatining eng muhimyo‘nalishlari bo‘yicha o‘zlari saylangan hududlarda o‘rganishlar o‘tkazish bo‘yicha savolnomaning 2 bandi "Aholiga o‘zi vaqtida sifatli tibbiy yordam ko‘rsatilishi holati (tez yordam mashainasi qancha vaqtda yetib keladi va potranaj xamshirasi faoliyati)" ijrosini ta’minlash maqsadida shahar Kengashi deputati D.Atayeva shahardagi 3-son oilaviy poliklinikasi xodimlari bilan uchrashdi. 

Uchuvdan asosiy maqsad, shaharda Sog‘liqni saqlash sohasida amalga oshirilayotgan islohotlarni chuqurlashtirish, aholiga ko‘rsatilayotgan tibbiy xizmatlar sifatini tubdan yaxshilash, tibbiyot muassasalari faoliyatini ilg‘or xorijiy tajriba asosida tashkil etish, tibbiyot kadrlarining salohiyatini oshirish, nodavlat tibbiyot tashkilotlari faoliyatini qo‘llab-quvvatlash xolati o‘rganildi. 

Bu borada shahardagi ko‘p qavatli uylar orasidagi yo‘llarning torligi yoki sun’iy to‘siqlar tez yordam mashinalarining harakatiga biroz xalaqit berishi aniqlandi. Bundan tashqari quyidagi yo‘nalishlar
atroflicha tahlil qilindi: aholiga ko‘rsatilayotgan birlamchi tibbiy xizmatlar sifati; davlat tomonidan beriladigan bepul dori-darmonlar bilan ta’minlash holati va ularning saqlash sharoitlari; poliklinikaning moddiy-texnik bazasi; fuqarolar murojaatlari bilan ishlash tizimi samaradorligi. 

O‘rganish davomida dori vositalarini qabul qilish, saqlash va tarqatish tartibi, sanitariya-gigiena talablariga rioya etilishi hamda tibbiy xizmat ko‘rsatishda qonunchilik normalariga amal qilinishi o‘rganildi. 

Aniqlangan ayrim kamchiliklarni bartaraf etish, tibbiy xizmatlar sifatini yanada oshirish va aholi uchun yaratilgan sharoitlarni yaxshilash maqsadida tegishli tashkilotlarga deputatlik so‘rovi chiqarilishi belgilandi.