Mazkur vazifalar ijrosini ta’minlash doirasida Xalq deputatlari Oltinsoy tuman Kengashi raisi A. Turdiyev, tuman Kengashi kotibiyati mudiri M. Xujanov, tuman Kengashi deputati A. Mamatmuratov, kotibiyat bosh mutaxassisi I. Roziqov, shuningdek, O‘zbekiston Respublikasi Oliy Majlisi Qonunchilik palatasi deputati A. Eshboyev hamda Surxondaryo viloyat Kengashi deputati A. Oripovlar hamkorlikda deputatlik nazorati tadbiri o‘tkazildi. 

Nazorat tadbiri davomida “Mingchinor” mahallasida tashkil etilgan limonchilik yo‘nalishidagi loyihalar faoliyati o‘rganildi. Xususan, limonchilikni rivojlantirish, zamonaviy agrotexnologiyalarni keng joriy etish, eksportbop qishloq xo‘jaligi mahsulotlari yetishtirish hajmini oshirish hamda aholi bandligini ta’minlash borasida amalga oshirilayotgan ishlar atroflicha ko‘rib chiqildi. 

O‘rganishlar yakunida sohani yanada rivojlantirish, mavjud imkoniyatlardan samarali foydalanish hamda ishlar samaradorligini oshirish yuzasidan tegishli tavsiya va ko‘rsatmalar berildi. 

Oltinsoy tumani Kengashi kotibiyatiAxborot xizmati