Mahallalarda aholi, ayniqsa yoshlar va bolalar uchun sport bilan shug‘ullanish imkoniyatlarini kengaytirish, sog‘lom turmush tarzini targ‘ib etish maqsadida mavjud sport inshootlari, umumta’lim maktablarining
sport zallari hamda ulardagi sport anjomlarining mavjudligi va texnik holati atroflicha o‘rganilmoqda. Sport zallarining yoritilishi, isitish tizimi, pol qoplamasi, xavfsizlik talablari, shuningdek, inventarlarning yetarliligi va
ulardan foydalanish darajasi tahlil qilinmoqda. Aniqlangan kamchiliklarni bartaraf etish hamda moddiy-texnik bazani mustahkamlash yuzasidan tegishli taklif va tavsiyalar ishlab chiqilmoqda. Shu munosabat bilan Xalq deputatlari Parkent tuman Kengashiga 16-Bodomtepa saylov okrugidan saylangan deputat Ashirmatova Xurshida Soliyevna va 3-Bog`bon saylov okrugidan saylangan deputat, tuman Kengashi kotibiyati bosh mutaxassisi To‘layev Eldor Zafaritdin o‘g`li tomonidan Parkent tumani “Bodomtepa” mahallasida joylashgan 47-sonli umumiy o‘rta ta’lim maktabiga tashrif buyurdi. Tashrif davomida maktab sport zalining holati, mavjud sport anjomlari hamda o‘quvchilarning jismoniy tarbiya mashg‘ulotlarini o‘tkazish uchun yaratilgan sharoitlar joyida ko‘zdan kechirildi. Nazorat-taxlil tadbiri bevosita maktab joylashgan “Mahalla yettiligi” va maktab ma`muriyati hamkorligida tashkil etildi. Tadbir yakunida o‘qituvchilar bilan suhbat o‘tkazilib, mavjud muammo va takliflar tinglandi.O‘rganishlar natijasida sport anjomlarini yangilash va joriy ta’mirlash ishlarini
jadallashtirish bo‘yicha takliflar bildirildi.