Deputat tashabbusi amalda 

  Pop tuman Kengashi deputati Elmurod O‘rmonov tashabbusi bilan Navbahor mahallasi hududidagi katta yo‘l infratuzilmasini
yaxshilashga qaratilgan amaliy ishlar izchil davom etmoqda. 

  Xususan, tuman Yo‘llardan foydalanish korxonasi xodimlari tomonidan Navbahor—Pop yo‘nalishidagi qatnov yo‘lining
yaroqsiz holga kelib qolgan qismlari aniqlanib, maxsus texnika va ishchi kuchlari jalb etilgan holda asfalt qoplamasi bilan ta’mirlandi. Yo‘ldagi chuqurlar va nosoz joylar yamalab chiqilib, harakat ishtirokchilari uchun qulay va xavfsiz sharoit
yaratildi. 

  Mazkur ishlar aholi tomonidan bildirilgan murojaatlar asosida amalga oshirilgan bo‘lib, yo‘llarning sifatli holatga keltirilishi hududdagi transport harakatini yanada yengillashtirishga xizmat qiladi. 

  Bunday amaliy chora-tadbirlar kelgusida ham davom ettirilishi rejalashtirilgan.