Joriy yilning 25-mart kuni xalq deputatlari shahar Kengashiga 14-Bahor saylov okrugidan saylangan deputat X.Tolibov hamda xalq deputatlari shahar Kengashi kotibiyati bosh mutaxassisi R.To‘rayevalar tomonidan shahar umumta’lim maktablarida “inklyuziv sinflar” tashkil etilganlik holati o‘rganildi. Deputat tomonidan alohida ta’lim ehtiyojlari va individual imkoniyatlarning xilma-xilligini hisobga olgan holda barcha ta'lim oluvchilar uchun ta'lim tashkilotlarida ta’lim olishga bo'lgan teng imkoniyatlarni ta'minlash maqsadida
shahardagi 1,-2,-3,-4,-5,-8,-10,-11,-12,-13-umumta’lim maktablarida inklyuziv sinflar tashkil etilganligi, umumta’lim maktablarida jami 39 nafar o‘quvchilar inklyuziv sinflarga jalb etilib, o‘quvchilarning shaxsiy hujjatlar yig‘ma jildlari shakllantirilgan hamda psixologik-tibbiy-pedagogik komissiya xulosalari mavjudligi, barcha inklyuziv maktablarda binoning birinchi qavatidan korrektsion mashg‘ulot olib borish uchun alohida xona tashkil etilganligi aniqlandi. Deputat X.Tolibov tomonidan alohida ta’lim ehtiyojlari mavjud ta'lim
oluvchilarga davlat tomonidan berilgan imtiyozlarni o‘z vaqtida berilishi bo‘yicha tavsiyalar berib o‘tdi.