Xalq deputatlari Pastdarg‘om tuman Kengashi deputati M.Kilichev Baxshiboyi mahallasida bo‘lib, hududda faoliyat yuritayotgan hokim yordamchisining ish faoliyati bilan yaqindan tanishdi.

O‘rganish davomida mahallada aholi bandligini ta’minlash, tadbirkorlikni rivojlantirish, ehtiyojmand oilalarni qo‘llab-quvvatlash borasida amalga oshirilayotgan ishlar ko‘zdan kechirildi. Shuningdek, fuqarolar bilan muloqot o‘tkazilib, ularning muammo va takliflari tinglandi.

Deputat tomonidan hokim yordamchisining faoliyatini yanada samarali tashkil etish, aniqlangan kamchiliklarni bartaraf etish hamda aholi bilan ishlash tizimini kuchaytirish yuzasidan tegishli tavsiyalar berildi.

Bu kabi о‘rganishlar hududlarda ijtimoiy-iqtisodiy muammolarni o‘z vaqtida aniqlash va ularni bartaraf etishda muhim ahamiyat kasb etadi.