Xalq deputatlari Paxtakor tuman Kengashi deputati Dilchexra Ergasheva o‘zining saylov okrugida tashkil etilgan bozor yarmarkasida aholi uchun muhim bo‘lgan oziq-ovqat mahsulotlari narxlari, ularning sifati hamda savdo jarayonlari bilan tanishdi. 

Deputat yarmarkada sotuvchilar va xaridorlar bilan muloqot qilib, narxlarning barqarorligi, mahsulotlarning yetarliligi hamda aholining ehtiyojlari haqida fikr almashdi. Shuningdek, ijtimoiy ahamiyatga ega mahsulotlarning aholiga qulay narxlarda yetkazib berilishi yuzasidan amalga oshirilayotgan ishlar ko‘zdan kechirildi.

O‘rganish jarayonida ayrim mahsulotlar narxlarini yanada maqbullashtirish, sifat nazoratini kuchaytirish hamda savdo madaniyatini oshirish bo‘yicha tavsiyalar berildi. Shu bilan birga, yarmarkalarning doimiy ravishda tashkil etilishi aholining xarid imkoniyatlarini kengaytirishga xizmat qilishi ta’kidlandi.