Xalq deputatlari Chilonzor tuman Kengashining "2026-yilda Toshkent shahri Chilonzor tumani Obodonlashtirish boshqarmasi tasarrufidagi jamoat transport qatnaydigan ko‘chalarni ta’mirlash ishlari bo‘yicha manzilli dasturini tasdiqlash to‘g‘risida"gi III-18-13-14-204-K/26 sonli qarori ijrosi yuzasidan xalq deputatlari Chilonzor tuman Kengashi deputati Murotova Lola Ne'matjon qizi o'z okrugidagi Navbahor va Katta Navbahor mahallalarini tutashtiruvchi Mehr ko‘chasida ta’mirtalab bo‘lgan yo‘l qismida joriy ta’mirlash ishlarini borib o'rgandi va nazorat qildi.

O‘rganish jarayonida ushbu yo‘l qismida mavjud muammolar, ta’mirtalab hududlar hamda bajarilayotgan ishlarning sifati alohida e’tiborga olindi. Yo‘l infratuzilmasini yaxshilash, fuqarolar hamda haydovchilar uchun qulay va xavfsiz harakatlanish sharoitlarini yaratish maqsadida amalga oshirilayotgan ishlarning o‘z vaqtida va sifatli bajarilishi deputat tomonidan nazoratga olindi.

Hududlarda obodonlashtirish, yo‘l infratuzilmasini yaxshilash va aholiga munosib shart-sharoitlar yaratish borasidagi ishlar izchil davom ettirilmoqda.