Xalq deputatlari Chilonzor tuman Kengashi 10- “Xalqlar do‘stligi” saylov okrugi deputati Iskakov Doniyor Maxmudovich o‘z saylov okrugidagi Dilobod mahallasi hududida aholiga ko‘rsatilayotgan tibbiy xizmatlar sifati va ularning o‘z vaqtida amalga
oshirilishi holatini o‘rgandi. 

O‘rganish jarayonida mahalladagi tibbiyot muassasalari faoliyati, aholiga tezkor va sifatli tibbiy yordam ko‘rsatish tizimi, shuningdek, tibbiy xizmatlardan foydalanish imkoniyatlari tahlil qilindi. Shu bilan birga, fuqarolar bilan ochiq muloqot o‘tkazilib, ularning taklif va murojaatlari tinglandi. 

Deputat tomonidan aniqlangan muammolarni bartaraf etish, tibbiy xizmatlar sifatini yanada oshirish hamda aholiga qulay sharoitlar yaratish yuzasidan tegishli mutasaddi tashkilotlarga aniq taklif va tavsiyalar berildi. 

Mazkur o‘rganish ishlari aholi salomatligini muhofaza qilish, tibbiy xizmatlar samaradorligini oshirish va joylarda mavjud muammolarni tizimli hal etishga xizmat qiladi.