Muammo joyida o‘rganildi va yechim topildi 

Xalq deputatlari tuman Kengashi deputatlari tomonidan aholi murojaatlari
bilan ishlash tizimli davom etmoqda. Bugun 13-Chimqo‘rg‘on saylov okrugida
o‘tkazilgan qabulda kelib tushgan murojaat yuzasidan o‘rganish o‘tkazildi. 

Hudud deputati M.Usmonova, Kengash kotibiyat xodimi G.Xudoyqulova hamda
mutasaddi tashkilot rahbarlari bevosita muammo aytilgan joyga chiqib, holatni
ko‘zdan kechirdilar. 

Mahalladagi suv inshooti (bashnya)ni ushlab turuvchi sim toslar bo‘shab
qolganligi va uni qotirish ishlariga yaqin atrofdagi sim yog‘och xalaqit
berayotganligi aniqlandi. Ushbu holat inshoot xavfsizligiga ta’sir qilishi mumkinligi sababli tezkor
choralar belgilandi. 

Jarayonga tuman Favqulodda vaziyatlar bo‘limi (MCHS) xodimlari jalb etildi.
Mutaxassislar tomonidan texnik xavfsizlik choralari ko‘rilib, qisqa muddat
ichida muammoni to‘liq bartaraf etish va aholini xavotirga solayotgan holatni
ijobiy hal etish choralari ko‘rilishi ma’lum qilindi.