Kuni kecha Shahrisabz tumanida qonunchilikdagi so‘nggi o‘zgarishlar va siyosiy jarayonlarga bag‘ishlangan mazmunli muloqot bo‘lib o‘tdi.

Tadbirda xalq deputatlari tuman Kengashi raisi A.Uzakov, O‘zLiDeP partiya guruhi vakillari hamda Kengash kotibiyati bosh mutaxassislari A.Sa’dullayev, S.Primovlar ishtirok etishdi.

Unda quyidagi masalalarga e'tibor qaratildi:

• Qonunchilikdagi islohotlar: Mamlakatimizda qabul qilinayotgan yangi qonun hujjatlarining mazmun-mohiyati va ularning tuman hayotidagi amaliy ahamiyati tushuntirildi.

• Partiyaviy maqsadlar: O‘zLiDePning dasturiy vazifalaridan kelib chiqib, tadbirkorlikni qo‘llab-quvvatlash va aholi farovonligini oshirish borasidagi ustuvor yo‘nalishlar muhokama qilindi.

• Xalq bilan muloqot: Deputatlar va mutaxassislar joylardagi muammolarni tizimli hal etish hamda ijro hokimiyati ustidan deputatlik nazoratini kuchaytirish bo‘yicha o‘zaro fikr almashdilar.

Uchrashuv do‘stona va ochiq muloqot ruhida o‘tib, kelgusidagi muhim vazifalar belgilab olindi.