Marg‘ilon shahar Kengashida navbatdagi haftalik yig‘ilish bo‘lib o‘tdi. Unda o‘tayotgan hafta ish kunlarida amalga oshirilgan ishlar sarhisob qilinib, kelgusi hafta uchun muhim vazifalar belgilab olindi.

Yig‘ilish Xalq deputatlari Marg‘ilon shahar Kengashi raisi O.Axmatshayev rahbarligida o‘tkazildi. Dastlab Kengash raisi barcha ishtirokchilarni yaqinlashib kelayotgan bayramlar bilan samimiy qutladi.

Shundan so‘ng haftalik ishlar tahlil qilinib, erishilgan natijalar bilan birga yo‘l qo‘yilgan kamchiliklarga ham alohida e’tibor qaratildi.

Yig‘ilish yakunida 24–27 mart kunlari uchun mo‘ljallangan aniq vazifalar belgilandi va yangi ish rejasi ishlab chiqildi.

Ta’kidlanganidek, Kengash faoliyatida tizimlilikni ta’minlash, belgilangan vazifalarni o‘z vaqtida va sifatli bajarish doimiy e’tiborda bo‘lib qoladi.