Xalq deputatlari Guliston shahar Kengashi deputati J. Xolbayev tomonidan Shodlik mahallasida fuqarolar murojaati yuzasidan joyiga chiqib o‘rganish ishlari olib borildi.

 O‘rganish jarayonida mahalla raisi va hudud aholisi bilan muloqot o‘tkazilib, mavjud muammolar atroflicha muhokama qilindi.

Aniqlanishicha, hududda bir qator dolzarb muammolar mavjud. Jumladan:

Bodomzor ko‘chasida ichki yo‘llarning holati qoniqarsiz ekani;

Bodomzor hamda Islom Karimov ko‘chalarida lotoklar bekilib qolganligi sababli suv oqimining yo‘llar va ayrim xonadonlar hududiga chiqib ketayotgani;

Ulug‘bek ko‘chasida daraxtlarning shox-shabbalari elektr uzatish tarmoqlariga tegib, chaqnash holatlari yuzaga kelayotgani aniqlandi.

 O‘rganish yakunida fuqarolar tomonidan kelib tushgan har bir murojaat natijasi bo‘yicha ta’sirchan deputatlik nazorati olib borilishini ta’kidlab o‘tildi.