Xalq deputatlari Guliston shahar Kengashi deputati Nosirjon Egamberdiyev tomonidan Guliston shahar “Ma’naviyat” MFY hududidagi Otajonov ko‘chasida ichimlik suvi quvurlari yorilishi natijasida suv isrof bo‘layotgani hamda bu holat hududda noqulayliklar keltirib chiqarib, aholi e’tirozlariga sabab bo‘layotgani yuzasidan “Suv ta’minoti” AJ shahar bo‘limiga deputatlik so‘rovi yuborilgan edi.

Mazkur masalani joyida o‘rganish maqsadida hududda o‘rganish ishlari olib borildi. O‘rganish jarayonida mas’ul tashkilot xodimlari tomonidan ichimlik suvi quvurlaridagi nosozlikni bartaraf etish bo‘yicha ta’mirlash ishlari olib borilayotgani ma’lum bo‘ldi.

Hozirda mutasaddi tashkilot tomonidan yuzaga kelgan muammoni qisqa muddatlarda to‘liq bartaraf etish bo‘yicha zarur choralar ko‘rilmoqda. Deputat tomonidan mazkur ishlar yakuniga yetguniga qadar jarayon nazoratda olib borilishi ta’kidlandi.