Xalq deputatlari Zarbdor tuman Kengashi 5-Navoiy saylov okrugi deputati Z.Umurzakov tuman yo‘llardan foydalanish unitar korxonasi direktori S.Mamayusupovga deputatlik so‘rovi yubordi.
Deputat so'rovida Zarbdor tumanining D060 “Pishag‘or q. – Zarbdor temir yo‘l stansiyasi – D042 (56 km.ga chiqish)” avtomobil yo‘lining mavjud qoplamasi yaroqsiz holga kelgani aniqlandi. Xususan, yog‘ingarchilik mavsumida suv to‘planishi, yo‘l yuzasining yemirilishi hamda qatnov qismida nosozliklar yuzaga kelayotgani kuzatilmoqda.
Mazkur holat fuqarolar hamda avtotransport vositalarining erkin va xavfsiz harakatlanishiga jiddiy to‘sqinlik qilmoqda.
Shu munosabat bilan, ushbu muammoni bartaraf etish maqsadida D060 avtomobil yo‘lini ta’mirlash ishlarini amalga oshirish yuzasidan tegishli tashkilotlarga deputat so‘rovi yuborildi.

Mazkur masala ijrosi deputat nazoratiga olindi.