O‘zbekiston Respublikasi Oliy Majlisi Senati Kengashining 2024-yil 29-noyabrdagi “Kambag‘allikni qisqartirish bo‘yicha belgilangan ustuvor vazifalarning bajarilishini nazorat qilish chora-tadbirlari to‘g‘risida”gi KQ-6-V-son Qarori ijrosini ta’minlash maqsadida Xalq deputatlari Parkent tumani Kengashi huzuridagi “Kambag‘allikni qisqartirish bilan bog‘liq masalalar bo‘yicha komissiya Nizomi va komissiya tarkibi” tasdiqlangan. Komissiya
kambag‘allikni qisqartirish va aholi turmush farovonligini oshirishga oid mahalliy ijro organlariga yuklatilgan vazifalar bajarilishi ustidan deputatlik nazoratini olib borishda Kengashga ko‘maklashuvchi organ hisoblanadi. Ushbu komissiya har oyda majlislarida kambag‘allik darajasini qisqartirish bo‘yicha maqsadli ko‘rsatkichlar ijrosini ta’minlash borasida mahalliy ijro etuvchi hokimiyat organlari tomonidan amalga oshirilgan ishlarni muhokama qilib borish, shuningdek, mutasaddi idora va tashkilotlar rahbarlarining mazkur yo‘nalishdagi faoliyati to‘g‘risidagi axborotlari eshitilishini ta’minlashi kerak. Shu munosabat bilan bugun Xalq deputatlari Parkent tumani Kengashi huzuridagi Kambag‘allikni qisqartirish bilan bog‘liq masalalar bo‘yicha komissiya yig'ilishi bo‘lib o‘tdi. Yig`ilishni komissiya raisi Sh.Abduvoxidov olib bordi. Komissiya majlisida kambag‘allik darajasini qisqartirish bo‘yicha maqsadli ko‘rsatkichlar ijrosini ta’minlash borasida mahalliy ijro etuvchi hokimiyat organlari tomonidan amalga oshirilgan ishlar yuzasidan Parkent tuman Kambag‘allikni qisqartirish va bandlikka ko‘maklashish bo‘lim boshlig‘ining axboroti eshitilib muhokama qilindi va komissiya o‘z takliflarini bildirdi.