Xalq deputatlari Parkent tumani Kengashiga 19-Chashma saylov okrugidan saylangan deputat Xojiboyev Jalol Xotamboyevich tomonidan “Xurriyat” MFY yettiligi bilan uchrashuv tashkil etildi. Tadbir davomida deputat tomonidan mamlakatimizda qonunchilik sohasida amalga oshirilayotgan islohotlar, qabul qilinayotgan qonunlar, farmon va qarorlarning mazmun-mohiyati hamda ahamiyati yuzasidan batafsil ma’lumot berildi. Shuningdek, “Kambag‘allikdan farovonlik sari” dasturini amalga oshirish doirasida mahalla yettiligi tomonidan olib borilayotgan ishlar yuzasidan fikr va takliflar tinglandi. Muloqot davomida deputat “Xurriyat” MFY ijtimoiy xodimining faoliyati bilan yaqindan tanishdi. Xususan, hududda yashovchi yolg‘iz keksalar, nogironligi bo‘lgan shaxslar va boshqa ehtiyojmand fuqarolarga ko‘rsatilayotgan ijtimoiy xizmatlar manzilli va
maqsadli tashkil etilgani yuzasidan nazorat-tahlil o‘tkazildi. O‘rganish jarayonida ijtimoiy xodim tomonidan amalga oshirilgan ishlar doirasida 7 ta xonadonga oziq-ovqat mahsulotlari, 3 ta xonadonga kiyim-kechak yetkazib berilgani, 28 nafar fuqaroga gaz va elektr energiyasi uchun kompensatsiya ajratilgani hamda 2 nafar nogironligi bo‘lgan shaxsning bandligi ta’minlanganligi aytib o‘tildi.