Mang‘itobod MFYda muammolarni o‘rganish va ularni bartaraf etish yuzasidan uchrashuv tashkil etildi. Xalq deputatlari Pastdarg‘om tuman Kengashi deputati N. Dusmurotov tashabbusi bilan o‘tkazilgan mazkur uchrashuvda mahalla aholisi faol ishtirok etdi.

Uchrashuv davomida, avvalo, mahallaning ichki ko‘chalari holati atroflicha tahlil qilindi. Aholi tomonidan bildirilgan murojaat asosida yo‘llar yaroqsiz holga kelgani, ayrim hududda asfalt qoplamasi butunlay eskirgani, yomg‘irli mavsumda esa harakatlanish qiyinlashayotgani alohida ta’kidlandi. Deputat va tashkilot vakillari ushbu muammolarni joyiga chiqib, bevosita ko‘zdan kechirdi.

O‘rganishlar natijasida aniqlangan kamchilikni bartaraf etish bo‘yicha taklif ishlab chiqildi. Xususan, ta’mirtalab ko‘chalarni O‘zbekiston Respublikasi Vazirlar Mahkamasining 2024-yil 11-oktabrdagi 665-son qaroriga muvofiq joriy yilgi manzilli dasturga kiritish muhokama markazida bo‘ldi.