Oʻrganishlarda komissiya aʼzolari, Oʻzbekiston Liberal demokratik partiyasi tuman Kengashi hamda tuman Kengashi kotibiyati vakillari ishtirok etishdi.

Tuman hokimligi Obodonlashtirish boshqarmasi hisobida bugungi kunda tumanda jami 764,63 km ichki yoʻllari mavjud boʻlib, shundan asfaltbeton yoʻl 364,81 km, sementbeton 20,39 km, shagʻallashtirilgan yoʻl 326,67 km va tuproqli yoʻl 52,75 km tashkil etadi.

Oʻrganishlarda Oʻzbekiston Respublikasi Vazirlar Mahkamasining 2024-yil 11-oktyabrdagi 665-son qarori asosida Xalq deputatlari tuman Kengashining 2025-yil 29-dekabrdagi “Vobkent tumanida 2025-yil ichki yoʻllarni saqlash va joriy taʼmirlash ishlari boʻyicha shakllantirilgan yakuniy va qoʻshimcha manzilli roʻyxatlarni tasdiqlash haqida” VII-21-143-2-33-K/25-sonli qarori qabul qilingan boʻlib, qaror asosida 32 ta tuman mahallalarida shagʻallashtirish va joriy taʼmirlash ishlari belgilangan edi, bugungi kunda qaror asosida 27 km shagʻallashtirish hamda 10 km joriy taʼmirlash ishlari amalga oshirilganligi yuzasidan yigʻma hujjatlar mavjudligi aniqlandi.

Oʻrganishlarda qaror asosida qilingan ijobiy ishlar bilan birgalikda mavjud muammo va kamchiliklarni barataraf etish boʻyicha ishlash zarurligi deputatlar tomonidan taklif va tavsiyalar berildi.