Oʻrganishlarda mahallada oilaviy tadbirkorlik faoliyatini olib borayotgan G.Asadova faoliyati oʻrganildi. Maxalla yettiligi tomonidan fuqaroga bankdan olib berilgan kredit mablagʻlari evaziga unli qandolat mahsulotlarini ishlab chiqarish faoliyatini boshlagan boʻlib, tadbirkor qoʻl ostida mahallada ishsiz 6 nafar fuqarolar bandligi taʼminlangan.

Tadbirkorni bugungi kunda oylik daromadi 30 mln.soʻmga yaqinlashgan. Oʻrganishlarda tadbirkorda faoliyatini kengaytirish uchun qoʻshimcha bino zarurligi, asbob uskunlarni yangilashi kerakligi, qoʻshimcha qozon, pech, konditsioner, xolodelnik kabi texnikalarga muxtojligi aniqlandi. Mavjud muammolar deputatlik nazoratiga olindi.

 Shuningdek, hududda endigina goʻzalik saloni faoliyatini boshlagan D.Sharipova faoliyati ham oʻrganildi. Fuqaro bugungi kunga qadar ishsiz boʻlganligi, maxalla yettiligi koʻmagida tadbirkorlik faoliyatini boshlaganligini bildirdi. Mazkur oʻrganishlarda tadbirkorlik faoliyati bilan namuna koʻrsatayotgan fuqarolarni faoliyatini hududda keng ommalishtirish borasida chora-tadbirlar belgilandi.