Xalq deputatlari tuman Kengashining Mahalliy budjet, tadbirkorlikni rivojlantirish va iqtisodiy islohotlar bo‘yicha doimiy komissiyasining majlisi bo‘lib o‘tdi. Kun tartibidagi masala Oʻzbekiston Respublikasi Prezidentining 2026-yil 5-fevraldagi “2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish oʻrinlarini yaratish hamda kambagʻallikni qisqartirishga oid qoʻshimcha chora-tadbirlar toʻgʻrisida” PQ-49-son qarorining ijrosini taʻminlash haqida tuman hokimligining moliya iqtisodiyot va kambag‘allikni qisqartirish masalalari bo‘yicha kotibiyati bosh mutaxassisi T.Odinaqulovning taqdm etgan hisoboti dastlabki tarzda tinglandi.

Bunda hisobot beruvchi majlis ishtirokchilarga PQ-49-sonli qarorda belgilab berilgan vazifalar ijrosini ta’minlash maqsadida 2026-yilda tumanda aholi daromadini oshirish, barqaror ish oʻrinlarini yaratish hamda kambagʻallikni qisqartirish prognoz koʻrsatkichlari boʻyicha hisobotini batafsil va aniq ma’lumotlar asosida tanishtirib o‘tdi. Majlis davomida hisobot beruvchiga doimiy komissiya a’zolari yig‘ilish kun tartibiga oid savollar berdilar va shu savollarga javoblari olindi.

Majlis yakunida komissiya a’zolarilari tomonidan bildirilgan taklif va fikr mulohazalarni inobatga olgan holda, xalq deputatlari Muzrabot tuman Kengashining Mahalliy budjet, tadbirkorlikni rivojlantirish va iqtisodiy islohotlar bo‘yicha doimiy komissiyasining kun tartibidagi masala bo‘yicha tegishli qarori qabul qilindi.