23-Bog‘iturkon viloyat saylov okrugi deputati N.Miltikbayeva, 25-Baynalminal tuman Kengashi deputati X.Kalbayeva aholiga bepul dori vositalarini yetkazib berish holatini o‘rganish maqsadida bir qator fuqarolar xonadonlariga tashrif buyurdi. Tashrif davomida ayniqsa, nogironligi bo‘lgan shaxslar, yolg‘iz keksalar va ijtimoiy himoyaga muhtoj oilalar holidan xabar olindi.

Deputatlar fuqarolar bilan suhbatlashib, ularning bepul dori-darmonlar bilan ta’minlanish darajasi haqida ma’lumot oldi. Xonadon egalariga zarur dori vositalari o‘z vaqtida yetkazib berilayotgani yoki bu borada qanday muammolar mavjudligi o‘rganildi.

Deputat aholini bepul dori vositalari bilan ta’minlash davlat siyosatining muhim yo‘nalishlaridan biri ekanini ta’kidladi. Bu boradagi ishlar doimiy nazoratda bo‘lishi lozimligi qayd etildi.