Hududlarni ijtimoiy-iqtisodiy rivojlantirish, turizm salohiyatini yanada oshirish hamda sayyohlar uchun qulay sharoitlar yaratish maqsadida deputatlar tomonidan joylarda
amalga oshirilayotgan ishlar muntazam o‘rganib borilmoqda. Shu maqsadda Xalq deputatlari Buloqboshi tumani Kengashi
10-Shirmonbuloq saylov okrugi deputati D.Akramov o‘ziga biriktirilgan hududdagi turizm zonasiga tashrif buyurib, bu yerda olib
borilayotgan ishlar, yaratilayotgan infratuzilma hamda tadbirkorlik faoliyati bilan yaqindan tanishdi. 

Tashrif davomida deputat turizm zonasida amalga oshirilayotgan qurilish va obodonlashtirish ishlari, yangi xizmat ko‘rsatish
maskanlari tashkil etilishi, sayyohlar uchun yaratilayotgan qulayliklar bilan tanishdi. Mas’ullar tomonidan hududda mehmonxonalar, dam olish maskanlari, milliy hunarmandchilik savdo nuqtalari hamda ovqatlanish shoxobchalari faoliyatini yo‘lga qo‘yish bo‘yicha olib borilayotgan ishlar haqida batafsil ma’lumot berildi. 

Shuningdek, hududda yo‘l infratuzilmasini yaxshilash, kommunikatsiya tarmoqlarini yangilash, hududni yanada obodonlashtirish hamda ekologik muhitni asrash bo‘yicha amalga oshirilayotgan chora-tadbirlar muhokama qilindi. Deputat turizm zonasining rivoji nafaqat
hudud iqtisodiyotini yuksaltirish, balki yangi ish o‘rinlari yaratish va aholining daromad manbalarini kengaytirishda muhim ahamiyat kasb etishini ta’kidladi. 

Tashrif yakunida deputat hududda amalga oshirilayotgan ishlarni ijobiy baholab, turizm zonasini yanada rivojlantirish, xizmat ko‘rsatish darajasini oshirish va sayyohlar oqimini ko‘paytirish bo‘yicha ishlarni izchil davom ettirish muhimligini ta’kidladi.