Uchrashuvda joriy yil davomida amalga oshirilishi rejalashtirilgan ijtimoiy loyihalar, infratuzilmani yaxshilash hamda aholi farovonligini oshirishga qaratilgan ishlar yuzasidan keng tushuntirishlar berildi. Mazkur uchrashuvda Xalq deputatlari Gʻallaorol tuman Kengashi raisi Sh. Umarov ishtirok etib, aholi bilan bevosita muloqot qildi. Qishloqda amalga oshirilishi rejalashtirilgan yo‘llarni ta’mirlash, ichimlik suvi ta’minotini yaxshilash, elektr tarmoqlarini yangilash, ijtimoiy ob’yektlarni ta’mirlash kabi bir qator muhim masalalar muhokama qilindi. Sh. Umarov o‘z so‘zida mahalliy aholi bilan bunday uchrashuvlar o‘tkazishdan asosiy maqsad – fuqarolarning fikr va takliflarini tinglash, ularni qiynayotgan muammolarni joyida o‘rganish hamda ularni bosqichma-bosqich hal etishdan iborat ekanini ta’kidladi.