Xalq deputatlari Namangan shahar Kengashi deputati Sohiba Gapparova saylov okrugida bo‘lib, hududdagi tadbirkorlik subyektlari faoliyati bilan tanishdi.

Tashrif davomida mahallada rivojlanib borayotgan krovat ishlab chiqarish yo‘nalishi ko‘zdan kechirilib, ushbu faoliyatni yanada qo‘llab-quvvatlash masalalari muhokama qilindi.

Shuningdek, respublika mablag‘lari hisobidan tashkil etilishi rejalashtirilayotgan shourumlar uchun joylar ko‘rib chiqildi hamda tadbirkorlar tomonidan bildirilgan muammo va takliflar o‘rganildi. Qayd etilishicha, ishlab chiqarilayotgan mahsulotlar Toshkent shahriga yetkazib berilib, u yerdan Qirg‘iziston va Qozog‘iston bozorlariga eksport qilinmoqda.

Uchrashuv davomida mahallaning 1,1 km ichki ko‘chasini ta’mirlash ishlari ham rejalashtirilgani ta’kidlandi. Mazkur infratuzilmani yaxshilash hududda tadbirkorlikni rivojlantirish, yangi ish o‘rinlari yaratish hamda mahsulotlarni yetkazib berish imkoniyatlarini kengaytirishga xizmat qilishi qayd etildi.